ویب ڈیسک: سیکورٹی فورسز کا سپین وام میں انٹیلی جنس بیسڈ آپریشن، آپریشن کے دوران 4 خوارج ہلاک کر دیئے گئے۔
پاک فوج کے شعبہ تعلقات عامہ آئی ایس پی آر کے مطابق آپریشن 14 اور 15 جنوری کی درمیانی شب خوارج دہشت گردوں کی موجودگی کی اطلاع پر کیا گیا، اس دوران ہلاک ہونے والے خوارج فورسز کے خلاف دہشتگردانہ کارروائیوں اور شہریوں کی ٹارگٹ کلنگ میں ملوث تھے، ہلاک شدگان سے اسلحہ اور گولہ بارود بھی برآمد کر لیا گیا۔
آئی ایس پی آر کے مطابق علاقے میں مزید خوارج کے خاتمے کے لیے کلیئرنس آپریشن جاری ہے، سکیورٹی فورسز ملک سے دہشت گردی کی لعنت ختم کرنے کے لیے پُرعزم ہیں۔
