مریم نواز کی جعلی تصاویر

مریم نواز کی جعلی تصاویر :عمران ریاض، شہباز گل کیخلاف مقدمات درج

ویب ڈیسک: وزیراعلیٰ پنجاب مریم نواز اور یو اے ای کے صدر کی جعلی تصاویر شیئر کرنے پر صحافی عمران ریاض، پی ٹی آئی لیڈر شہباز گل سمیت مزید پانچ ملزمان کے خلاف مقدمات درج کرتے ہوئے دو کو گرفتار کرلیاگیا۔
وزیراعلیٰ پنجاب مریم نواز شریف اور یو اے ای کے صدر کی اے آئی کے ذریعے بنائی گئی جعلی تصاویر شیئر کرنے پر ایف آئی اے سائبر کرائم ونگ نے عمران ریاض خان، شہباز گل سمیت مزید پانچ ملزمان پر مقدمات درج کرلیے۔
پی ٹی آئی رہنماء شہباز گل اور عمران ریاض کے خلاف مقدمہ ایف آئی اے سائبر کرائم لاہور میں درج کیا گیا، مقدمہ نمبر 13/25 پیکا ایکٹ 2016 کی مختلف دفعات کے تحت درج کیا گیا ہے جب کہ ملتان اور فیصل آباد میں بھی تین ملزمان عامر عباس، اعجاز اور ندیم جاوید پر مقدمات درج کرتے ہوئے عامر عباس اور اعجاز کو گرفتار کرلیا ایک ملزم کی گرفتاری باقی ہے۔
ایف آئی اے حکام کے مطابق ملزمان پر ملکی اور غیر ملکی اہم شخصیات کی اے آئی جنریٹڈ تصاویر شیئر کرنے کا الزام ہے۔

مزید پڑھیں:  وزیراعظم شہباز شریف آج متحدہ عرب امارات روانہ ہوں گے