ویب ڈیسک: خیبرپختونخوا سے پولیو کا ایک اور کیس سامنے آگیا ،ڈیرہ اسماعیل کی رہائشی بچی میں وائرس کی تصدیق ہو گئی ۔
پولیو کا ایک اور کیس سامنے آنے کے بعد سال 2024میں رپورٹ ہونے والے مریضوں کی تعداد 72تک پہنچ گئی۔
انسداد پولیو پروگرام کی جانب سے جاری اعلامیے میں بتایا گیا ہے کہ ڈی آئی خان کی رہائشی بچی کے نمونے 31دسمبر کو لئے گئے جن کے ٹیسٹ کی رپورٹ آنے پر پولیو کی تصدیق ہوئی۔
اعلامیے کے مطابق پولیو وائرس ٹائپ ون ڈی آئی خان کی رہائشی بچی میں پایا گیا اس کے بعد ڈی آئی خان میں گزشتہ سال کے دوران پولیو کیسز کی مجموعی تعداد 11ہو گئی۔
پاکستان میں اب تک رپورٹ ہونے والے پولیو کیسز میں سے 27 بلوچستان، 22 خیبر پختونخوا، 21 سندھ، اور ایک ایک پنجاب اور اسلام آباد سے سامنے آئے ہیں۔
