تنخواہوں میں اضافے کیلئے حکومت

تنخواہوں میں اضافے کیلئے حکومت اوراپوزیشن یک زبان ہوگئے

ویب ڈیسک: تنخواہوں میں اضافے کیلئے حکومت اوراپوزیشن یک زبان ہوگئے، سپیکر ایاز صادق سے ملاقات کے دوران تنخواہوں میں اضافے کا مطالبہ کر دیا۔
تفصیلات کے مطابق قومی اسمبلی کے اراکین نے سپیکر قومی اسمبلی سے تنخواہوں میں اضافے کا مطالبہ کر دیا، اور اس میں سب سے بڑی بات یہ ہے کہ تنخواہوں میں اضافے کیلئے حکومت اوراپوزیشن یک زبان ہوگئے ہیں۔
اس موقع پر اراکین پارلیمنٹ نے قومی اسمبلی کے سپیکر سے ملاقات کے دوران تنخواہوں میں اضافے کا مطالبہ کیا۔ اراکین پارلیمنٹ کا کہنا تھا کہ سپیکرز کانفرنس کی سفارشات پرعمل کیا جائے۔
سپیکر قومی اسمبلی ایاز صادق سے ملاقات میں اراکین قومی اسمبلی نے شکوہ کیا کہ صوبائی اسمبلیوں کے اراکین کی تنخواہیں اور مراعات ہم سے زیادہ ہیں، لہٰذا ہماری تنخواہوں میں بھی اضافہ کیا جائے۔
انہوں نے بتایا کہ حکومتی رضامندی پر قومی اسمبلی میں تنخواہوں میں اضافے کا بل پیش ہوگا، اس وقت ایم این اے کی تنخواہ اور ٹی اے ڈی اے ایک لاکھ 85 ہزارروپے ماہانہ ہے، اس میں اضافہ سے ان کی تنخواہیں مزید بڑھ جائیں گی۔

مزید پڑھیں:  آرمی چیف کل ’’گرین پاکستان انیشی ایٹیو‘‘ کے پراجیکٹس کا دورہ کرینگے