ویب ڈیسک: سابق وفاقی وزیر داخلہ اور عوامی مسلم لیگ کے سربراہ شیخ رشید احمد نے سپریم کورٹ کے باہر میڈیا سے گفتگو کرتے ہوئے کہا ہے کہ بین الاقوامی سطح پر پاکستان کی تضحیک ہو رہی ہے، پاکستان میں آئین اور قانون کو عزت ملنے کیلئے دعاگو ہوں۔
انہوں نے کہا کہ اس وقت ملک بحرانی کیفیت کا شکار ہے، جس کا نتییجہ مجھے پاکستان اور عوام کی بہتری میں نکلتا دکھائی نہیں دے رہا، دعا ہے کہ موجودہ حالات کا نتیجہ پاکستان اور عوام کی بہتری میں نکلے۔
انہوں نے کہا کہ بین الاقوامی سطح پر پاکستان کی تضحیک ہو رہی ہے، مذاق اڑایا جا رہا ہے، ہمیں پاکستان کی عزت صرف ملک کے اندر نہیں باہر بھی چاہیے، انہوں نے کہا کہ اوورسیز پاکستانیوں کو ووٹ کا حق دیا جائے۔
سابق وفاقی وزیر نے مزید بتایا کہ آج ملٹری کورٹس کی وجہ سے ہمارے کیسز کی سماعت سپریم کورٹ میں نہیں ہو سکی۔
