ویب ڈیسک: پشاور ہائیکورٹ کی جانب سے ایک ماہ کیلئے سابق خاتون اول بشریٰ بی بی کی حفاظتی ضمانت منظور کر لی گئی۔
پشاور ہائیکورٹ کے چیف جسٹس اشتیاق ابراہیم اور جسٹس وقار احمد پر مشتمل دو رکنی بینچ نے بانی پی ٹی آئی کی اہلیہ کی حفاظتی ضمانت کی درخواست پر سماعت کی۔ دوران سماعت وکیل نے کہا کہ بشریٰ بی بی توشہ خانہ ٹو کیس میں پیش ہو رہی ہیں، اس لئے آج حفاظتی ضمانت کی درخواست میں پیش نہیں ہو سکتی۔
اس موقع پر پشاور ہائیکورٹ نے ایک مہینے کیلئے ایک مہینے کیلئے حفاظتی ضمانت منظور کرتے ہوئے انہیںمتعلقہ عدالت سے رجوع کرنے کا حکم دیدیا۔
