ویب ڈیسک: میڈرڈ کشتی حادثے میں جاں بحق 7 پاکستانی شناخت کر لئے گئے، جاں بحق ہونے والوں کی شناخت ریحان،علی رضا، عاقب، جانی مہر، ابوبکر، عمر فاروق اور عاطف کے ناموں سے ہوئی ہے.
ذرائع نے بتایا ہے کہ میڈرڈ کشتی حادثے میں جاں بحق ہونے والے 7 پاکستانی نوجوانوں کا تعلق گجرات کے نواحی گاؤں جوڑا کرنانہ اور ڈھولہ سے بتایا جا رہا ہے۔ کشتی حادثے کے حوالے سے قائم مقام پاکستانی سفیر رابعہ قصوری نے بتایا ہے کہ مراکشی حکام نے 10 پاکستانیوں کی تفصیلات فراہم کی ہیں.
انہوں نے کہا کہ اس واقعے میں جاں بحق ہونے والوں کا ریکارڈ سفارتخانے کے حکام ہسپتال جا کر چیک کریں گے، جبکہ دوسری جانب زندہ بچ جانے والوں سے بھی بات چیت کی جائے گی۔
قائم مقام پاکستانی سفیر نے بتایا ہے کہ حادثےکے بارے میں مراکش کے حکام سے مسلسل رابطے میں ہیں، تاکہ مزید معلومات کا حصول ممکن ہو.
