عمران خان کے سوا کوئی بھی

عمران خان کے سوا کوئی بھی میرے خلاف بات کریگا تو جواب دوںگا، شیرافضل

ویب ڈیسک: پاکستان تحریک انصاف کے رہنما اور ممبر قومی اسمبلی شیرافضل مروت نے کہا ہے کہ بار بار کے اس شوکاز نوٹس سے تنگ آ گیا ہوں، بیانات نہیں میں نے جواب دیا ہے، عمران خان کے سوا کوئی بھی میرے خلاف بات کریگا تو جواب دوںگا۔
شیر افضل مروت نے کہا کہ روز روز کے اس شوکاز سے تنگ آگیا ہوں، ایک یوٹیوبر نے میرے بارے میں جو کہا ہے وہ سراسر جھوٹ ہے، مجھے نکالنے کا فیصلہ اگر پہلے سے ہو چکا ہے تو پھر شوکاز ایک فارمیلٹی ہے۔ ہر 6 ماہ بعد کوئی نا کوئی شوکاز آجاتا ہے، جس میں لکھا ہوتا ہے کہ آپ نے فلاں بیان دیا ہے۔
ممبر قومی اسمبلی نے کہا ہے کہ میں نے کوئی بیان نہیں بلکہ جواب دیا ہوتا ہے، اگر مجھے پارٹی میں رکھتے بھی ہیں تو میں جواب دیتا رہوں گا۔ اگر کوئی سمجھتا ہے کہ وہ میرے خلاف بات کرے گا اور میں خاموش رہوں گا، تو یہ ممکن ہی نہیں، میں جس قبیلے سے ہوں وہ اپنے مرشد، لیڈر کیلئے جان دینے کا جذبہ رکھتے ہیں۔
شیر افضل نے کہا کہ کوئی شک نہیں کہ بانی جن لوگوں کے نرغے میں ہیں، وہ سب ان کے کان بھر رہے ہیں، کچھ لوگ تو ان سے غلط بیانیاں بھی کرتے ہیں، جلد ہی میں بیرسٹرگوہر کو اپنا مؤقف دے دوں گا۔ پارٹی کے لوگوں نے میرے خلاف بیانات دیے، تو اس کے بعد میں نے جواب دیا، سیاست ہم عزت کیلئے کررہے ہیں۔
رہنما پی ٹی آئی کا کہنا تھا کہ عمران خان کے سوا کوئی بھی میرے خلاف بات کرے گا تو میں اس کو آئندہ بھی جواب دیتا رہوں گا ، میں روزانہ کے ان شوکازوں سے بہت تنگ آ گیا ہوں، میں نے کوئی گناہ نہیں کیا، اس کے باوجود عمران خان نے نکالنا ہے تو بے شک نکال دیں۔

مزید پڑھیں:  عوام کی طاقت سے جعلی حکومت کا خاتمہ یقینی بنایا جائے گا، بیرسٹر ڈاکٹر سیف