ظلم کی رات بڑھتی جا رہی

مذاکرات کی کیا کامیابی؟ ظلم کی رات بڑھتی جا رہی ہے، بابر اعوان

ویب ڈیسک: پاکستان تحریک انصاف کے رہنما بابر اعوان نے کہا ہے کہ حکومت سے مذاکرات کی کیا کامیابی؟ اب تو ظلم کی رات بڑھتی جا رہی ہے، یہ جو مذاکرات ہو رہے ہیں، ان میں مذاق علیحدہ اور رات علیحدہ ہے۔ مذاق ایک طرف ہیں اور ظلم کی رات بڑھتی جا رہی ہے۔
اسلام آباد ہائیکورٹ کے باہر میڈیا سے گفتگو کرتے ہوئے انہوں نے کہا کہ مذاکرات کی کیا کامیابی؟ مذاکرات کرنے والوں کی بس یہی کوشش ہے کہ کسی طرح 20 تاریخ کو امریکی صدر ڈونلڈ ٹرمپ کی حلف برداری تقریب میں وزیر خارجہ کو بلا لیا جائے۔
انہوں نے سوال کیا کہ حکومت بتائے اقتدار میں کس طرح آئی؟ گولی کس نے چلائی اور جو غائب ہوئے وہ کہاں ہیں؟ 9 مئی اور 26 نومبر واقعات پر کمیشن بنائیں تاکہ طے ہو سکے کہ مقدمات جائز بھی ہیں یا نہیں، ابھی تو یہ معاملات باقی ہیں، اس کے بعد مذاکرات کی کامیابی کا پتہ چلے گا۔
انہوں نے سوال اٹھایا کہ کیا موجودہ حکومت پاکستان کو محفوظ رکھ سکتی ہے؟ یہ حکومت سیکورٹی رسک ہے۔ یاد رہے کہ حکومت اور اپوزیشن کے مابین مذاکرات کا تیسرا دور گزشتہ روز مکمل ہو اجس میں پی ٹی آئی نے تحریری طور پر مطالبات پیش کئے ہیں.

مزید پڑھیں:  سونے کی قیمت میں ریکارڈ اضافہ، توکہ 3 لاکھ روپے سے تجاوز کر گیا