اسرائیل کو بفر زون سے نکلنا

اپنی پیشقدمی روک کر اسرائیل کو بفر زون سے نکلنا ہوگا، احمد الشرع

ویب ڈیسک: بشار الاسد کا تختہ الٹنے کے بعد شام میں عبوری عمل کے قائد احمد الشرع نے کہا ہے کہ اپنی پیشقدمی روک کر اسرائیل کو بفر زون سے نکلنا ہوگا۔
ذرائع کے مطابق احمد الشرع نے باور کرایا کہ شام، اسرائیل کے ساتھ مشترکہ بفرزون میں اقوام متحدہ کی فوج کو خوش آمدید کہنے کے لئے تیار ہے، تاہم اسرائیل کو بفر زون سے نکلنا ہوگا۔
انہوں نے کہا کہ بفرزون میں اسرائیل کی پیش قدمی کا عذر یہ تراشا جا رہا تھا کہ وہاں ایرانی ملیشیا اور حزب اللہ کا وجود موجود ہے، تاہم اب جبکہ دمشق آزاد ہو چکا، تو اب وہاں ایرانی ملیشیا اور حزب اللہ کا کوئی وجود نہیں، اب اسرائیل کو اپنی پیش قدمی روکنا ہوگی۔
شام کے وزیر خارجہ اشعد الشیبانی نے باور کرایا ہے کہ شام کسی ریاست کے لیے خطرہ نہیں بنے گا، جس میں اسرائیل بھی شامل ہے، لیکن اسرائیل کو بھی شام کی سیکورٹی اور خود مختاری کا احترام کرنا ہوگا۔

مزید پڑھیں:  ملک کے مختلف حصوں میں بارش اور پہاڑوں پر برفباری کی پیش گوئی