ویب ڈیسک: سیکیورٹی فورسز کا ضلع خیبر میں آپریشن، اس دوران 5 دہشت گرد ہلاک کر دیئے گئے.
پاک فوج کے شعبہ تعلقات عامہ آئی ایس پی آر کے مطابق 17 جنوری کو سیکیورٹی فورسز نے خیبر ضلع کے علاقے تیراہ میں خوارج دہشت گردوں کی موجودگی کی اطلاع پر خفیہ معلومات کی بنیاد پر آپریشن کیا، اس دوران سیکیورٹی فورسز نے خوارج کے ٹھکانے کو مؤثر طریقے سے نشانہ بنایا ، جس کے نتیجے میں 5دہشت گرد ہلاک ہو گئے۔
آئی ایس پی آر کے مطابق ہلاک ہونےو الوں میں خارجی دہشتگردوں کا سرغنہ عابداللہ المعروف’’ تراب ‘‘ بھی شامل ہے، جبکہ ایک خارجی کو گرفتار بھی کر لیا گیا، آپریشن کے دوران دہشت گردوں سے اسلحہ اور گولہ بارود بھی برآمد کر لیا گیا۔
ہلاک ہونے والے خوارج دہشت گرد علاقے میں سیکیورٹی فورسز کے خلاف دہشت گردی کی متعدد کارروائیوں اور معصوم شہریوں کے قتل میں ملوث تھے۔ آئی ایس پی آر کے مطابق علاقے میں کسی بھی دیگر خارجی دہشت گرد کی موجودگی کو ختم کرنے کے لیے سرچ آپریشن جاری ہے، جبکہ پاکستان کی سیکیورٹی فورسز دہشت گردی کے ناسور کو مکمل طور پر ختم کرنے کے لیے پرعزم ہیں.
یاد رہے کہ سیکیورٹی فورسز کا ضلع خیبر میں آپریشن کے بعد علاقے میںسرچ آپریشن جاری ہے، اس کارروائی کے دوران 5 دہشت گرد ہلاک کر دیئے گئے.
