ویب ڈیسک: مشیر اطلاعات خیبرپختونخوا بیرسٹر ڈاکٹر سیف نے کہا ہے کہ پی ٹی آئی اورعسکری قیادت کے درمیان ملاقات کے بعد نواز شریف کیمپ میں کھلبلی مچ گئی، اور اس کے بعد ہی نواز شریف نے اپنی ٹیم کو مذاکرات ناکام بنانے کا مشن سونپ دیا ہے۔
ان کا کہنا تھا کہ پی ٹی آئی اورعسکری قیادت کے درمیان ملاقات کے بعد نواز شریف کیمپ میں کھلبلی مچ گئی ہے، اس سلسلے مٰیں یہ بھی بتایا جا رہا ہے کہ نوازشریف نے اپنی ٹیم کو مذاکرات ناکام بنانے کا مشن سونپ دیا ہے، اس کے ساتھ ہی حکومتی مذاکراتی کمیٹی کو غیر موثر بنانے پر کام کا شروع کر دیا گیا ہے۔
بیرسٹر ڈاکٹر سیف نے بتایا کہ اس تمام تر صورتحال کے بعد ایسے عناصر متحرک ہو چکے ہیں جو ملک کے اندر سیاسی استحکام کی راہیں کھلنے کے مخالف ہیں۔ پاکستان تحریک انصاف ملک میں امن کیلئے مذاکرات کی راہ پر چل رہی ہے جبکہ غیر منتخب ٹولہ اپنے ناجائز اقتدار کو بچانے کے لئے مذاکرات ناکام بنانے کے مشن پر ہے۔
مشیر اطلاعات نے کہا کہ یہ سلسلہ مثبت سمت میں بڑھتے مذاکرات ناکام بنانے کی جانب گامزن ہیں، حکومتی وزراء اپنے حلف کا پاس رکھتے ہوئے پی ٹی آئی اور عسکری قیادت میں ملاقات پر سیاست نہ کریں، تو ہی ملک میں سیاسی استحکام آ سکتا ہے، نہیںتو یہ سلسلہ ناکام رہے گا۔
