ویب ڈیسک: پاکستان تحریک انصاف کی جانب سے پارٹی کے مرکزی رہنما اسد قیصر کی سربراہی میں 12رکنی انسانی حقوق کمیٹی تشکیل دے دی۔
پی ٹی آئی کے ایڈیشنل سیکرٹری جنرل فردوس شمیم نقوی نے اس حوالے سے اعلامیہ جاری کر دیا۔ نوٹیفکیشن کے مطابق سابق سپیکر قومی اسمبلی اسد قیصرکی سربراہی میں 12رکنی کمیٹی انسانی حقوق کے معاملات دیکھے گی۔
کمیٹی عالمی برادری کے سامنے انسانی حقوق کی خلاف ورزیوں کا معاملہ رکھے گی۔ پاکستان تحریک انصاف کی جانب سے بنائی جانے والی اس انسانی حقوق کمیٹی میں رؤف حسن، عالیہ حمزہ، قاسم سوری اور ذلفی بخاری بھی شامل ہیں۔
