ویب ڈیسک: اقوام متحدہ کی سلامتی کونسل میں پاکستانی مستقل مندوب منیر اکرم نے اپنے خطاب میں مشرق وسطی میں خودمختاری کے احترام اور امن مشنزکو مضبوط بنانے پر زور دیا ہے، انہوں نے کہا ہے کہ اسرائیلی اقدامات خطے کے استحکام کے لئے خطرہ ہیں۔
پاکستانی مندوب منیر اکرم نے کہا ہے کہ شام کی سرزمین پر اسرائیلی جارحیت اور صیہونی فورسز کی غیر قانونی دراندازی قابل مذمت ہے، جبکہ دوسری جانب جنوبی لبنان میں اسرائیلی فورسز کی نقل و حرکت بھی باعث تشویش ہے۔
انہوں نے کہا کہ اسرائیلی اقدامات خطے کے استحکام کے لئے خطرہ ہیں، امن مشنز پر حملہ کرنے والوں کو انصاف کے کٹہرے میں لایا جائے۔
