علیمہ و عظمیٰ خان کی ضمانت

9مئی مقدمات، علیمہ و عظمیٰ خان کی ضمانت میں توسیع

ویب ڈیسک: 9مئی مقدمات کے حوالے سے بانی پی ٹی آئی عمران خان کی بہنوں علیمہ و عظمیٰ خان کی ضمانت میں‌توسیع کر دی گئی، اس موقع پر دیگر نامزد ملزمان کی ضمانتوں میں بھی توسیع کا اعلامیہ جاری کر کے سماعت ملتوی کر دی گئی۔
تفصیلات کے مطابق انسداد دہشتگردی عدالت نے جناح ہاؤس حملہ اور جلاؤ گھیراؤ کے مقدمات میں علیمہ خان، عظمیٰ خان اور دیگر نامزد ملزمان کی عبوری ضمانتوں میں توسیع کردی۔
انسداد دہشتگردی عدالت لاہور کے جج ارشد جاوید نے پی ٹی آئی رہنماؤں کیخلاف مختلف مقدمات پر سماعت کی، اس دوران علیمہ خان اور عظمیٰ خان عبوری ضمانت کی میعاد ختم ہونے پر عدالت پیش ہوئیں۔
پی ٹی آئی رہنماؤں علی امتیاز اور ندیم عباس بارا نے بھی عدالت پیش ہو کر حاضری مکمل کرائی جبکہ مقدمہ میں نامزد سیکرٹری جنرل پی ٹی آئی سلمان اکرم راجہ کی جانب سے حاضری معافی کی پیش کردہ درخواست منظور کرلی گئی۔
بعدازاں عدالت نے تفتیشی افسر کو آئندہ سماعت پر مکمل رپورٹ پیش کرنے کی ہدایت کر دی اور ملزمان کی عبوری ضمانتوں میں توسیع کرتے ہوئے درخواستوں پر مزید سماعت 15 فروری تک ملتوی کردی۔
یاد رہے9مئی مقدمات کے حوالے سے بانی پی ٹی آئی عمران خان کی بہنوں علیمہ و عظمیٰ خان کی ضمانت میں‌توسیع کر دی گئی، اس موقع پر دیگر نامزد ملزمان کی ضمانتوں میں بھی توسیع کا اعلامیہ جاری کر کے سماعت ملتوی کر دی گئی۔

مزید پڑھیں:  ٹرمپ پیوٹن ٹیلیفونک رابطے کا انکشاف، یوکرین جنگ خاتمے پر بات چیت