ڈاکٹر عافیہ صدیقی معافی کی اپیل

ڈاکٹر عافیہ صدیقی نے امریکی صدر سے معافی کی اپیل کردی

ویب ڈیسک: برطانوی میڈیا کی جانب سے دعویٰ کیا گیا ہے کہ امریکی جیل میں قید ڈاکٹرعافیہ صدیقی نے امریکی صدر جوبائیڈن سے معافی کی اپیل کی ہے ۔
برطانوی میڈیا رپورٹس کے مطابق امریکی جیل میں قید ڈاکٹر عافیہ صدیقی کے وکلا کی جانب سے بتایا گیا ہے کہ ڈاکٹر عافیہ کو چھوڑ دیا جائے گا کیونکہ نئے شواہد سامنے آنے سے ان کی بے گناہی کا اندازہ ہو سکتا ہے۔
میڈیا رپورٹس میں کہا گیا ہے کہ ڈاکٹر عافیہ صدیقی نے اپنے وکلا کے ذریعے ایک پیغام میں کہا ہے کہ میں، ناانصافی کا شکار ہوں، ہر دن اذیت ہے، یہ آسان نہیں ہے، انشا اللہ ایک دن میں اس عذاب سے آزاد ہو جاں گی ۔
ڈاکٹر عافیہ کے وکیل کلائیو سٹافورڈ سمتھ نے سبکدوش ہونے والے امریکی صدر جو بائیڈن سے معافی کا مطالبہ کیا اور انہیں 76 ہزار 500 الفاظ پر مشتمل ڈوزیئر بھی پیش کیا ہے۔
برطانوی میڈیا رپورٹس میں مزید کہا گیا ہے کہ صدر جو بائیڈن کے پاس درخواست پر غور کرنے کے لیے پیر کو ڈونلڈ ٹرمپ کے حلف برداری تک کا وقت ہے۔

مزید پڑھیں:  حکومتی دعوؤں کے باوجود 13اشیائے ضرویہ کی قیمتیں بڑھ گئیں