مراکش کشتی حادثے میں بچ

مراکش کشتی حادثے میں بچ جانیوالے پاکستانیوں کی فہرست جاری

ویب ڈیسک: وزارتِ خارجہ کی جانب سے مراکش میں بچ جانے والے 21 پاکستانیوں کی فہرست جاری کر دی گئی ۔
ترجمان دفتر خارجہ کے مطابق زندہ بچ جانے والوں کے نام اور پاسپورٹ نمبر جاری کر دیئے گئے جن میں میں مدثر حسین، وسیم خالد، محمد خالق، عبدالغفار، گل شمیر، تنویر احمد، عباس کاظمی، غلام مصطفی، بدر محی الدین، عمران اقبال شامل ہیں۔
دفتر خارجہ کا کہنا ہے کہ رباط میں پاکستانی سفارتی مشن کے ذریعے متاثرہ شہریوں کو فوری امداد فراہم کی گئی، سفارتخانے نے متاثرہ افراد کیلئے ضروری اشیا، کھانا، پانی، ادویات اور کپڑوں کا بندوبست کیا۔
ترجمان کے مطابق بچ جانے والے شہریوں کی وطن واپسی کے عمل کیلئے بھی کوشاں ہیں، بیرون ملک مقیم پاکستانیوں کی فلاح و بہبود کیلئے پرعزم ہیں۔
ترجمان نے بتایا کہ مقامی حکام ہماری سفارتی درخواست کے تحت پناہ گاہیں اور طبی سہولیات فراہم کر رہے ہیں، سفارتخانے کی قونصل ٹیم اس وقت دخلہ میں موجود ہے، مراکش میں متعلقہ حکام کے ساتھ قریبی رابطے میں ہیں۔

مزید پڑھیں:  جعلی حکمرانوں کے احتساب کا وقت قریب آ چکا ہے، مشیر اطلاعات بیرسٹر سیف