ویب ڈیسک: ٹل پاراچنار مین شاہراہ آج بھی ہر قسم کی آمدورفت کیلئے بند ہے جس کے باعث ضلع میں اشیائے ضروریہ کی قلت پیدا ہو گئی ہے ۔
ذرائع کے مطابق کرم میں جاری کشیدگی کے باعث ٹل پارا چنار شاہراہ بدستور آمدو رفت کے لئے بند ہے جس کے نتیجے میں اشیائے ضروریہ نہ ملنے کی وجہ سے عوام کو شدید مشکلات کا سامنا کرنا پڑ رہا ہے۔
دوسری جانب ذرائع کا کہنا ہے کہ لوئر کرم کے چار ویلج کونسل میں آپریشن کی تیاریاں جاری ہیں، فورسز نے کئی مورچوں کا کنٹرول سنبھال لیا، فورسز کی بھاری نفری لوئر کرم میں موجود ہے۔
ضلعی انتظامیہ کا کہنا ہے کہ بنکرز مسماری کا عمل تاخیر کا شکار ہے، دونوں فریقین کے اب تک 8 بنکرز مسمار ہو چکے ہیں۔
