ملک میں کساد بازاری

ملک میں کساد بازاری ، معیشت خون کی کمی کا شکار ہے: مشیر خزانہ خیبر پختونخوا

ویب ڈیسک: مشیر خزانہ خیبرپختونخوا مزمل اسلم نے کہا ہے کہ ملک میں کساد بازاری جبکہ موجود حکومت میں معیشت خون کی کمی کا شکار ہے۔
پاکستانی جی ڈی پی پر ردعمل دیتے ہوئے مشیر خزانہ خیبر پختونخوا مزمل اسلم کا کہنا تھا کہ آئی ایم ایف نے پاکستان کی جی ڈی پی مالی سال 2025 کے لیے 3.2 فیصد سے کم کرکے 3 فیصد کر دی ہے۔
مزمل اسلم نے کہا کہ شہباز شریف اور پی ڈی ایم حکومت میں جی ڈی پی شرح مالی سال 2023 میں منفی 0.2 فیصد رہی ہے جبکہ مالی سال 2024 میں 2.5 فیصد اور 2025 میں 3.0 فیصد کی پیروی کر رہے ہیں۔
انہوں نے کہا کہ نے کہا کہ بانی پی ٹی آئی عمران خان کی حکومت میں جی ڈی پی مالی سال 2022 میں 6.18 فیصد اور 2021 میں 5.77 فیصد تھی جبکہ 2020 میں کرونا وائرس کی وجہ سے منفی 0.94 فیصد رہی تھی۔
مشیر خزانہ مزمل اسلم کا کہنا تھا کہ ملک میں کساد بازاری ہے، موجود حکومت میں معیشت خون کی کمی کا شکار ہے۔

مزید پڑھیں:  صوابی جلسے میں حکومتی وسائل استعمال کئے جارہے ہیں ،خواجہ آصف