ویب ڈیسک: پاکستان مسلم لیگ ن کے سینئر رہنماء اور وفاقی وزیر رانا تنویر حسین نے کہا ہے کہ عمران خان نے اپنی کابینہ کو دھوکہ دے کر تاریخ کی بڑی کرپشن کی جس پر انہیں سزا دی گی ۔
اپنے بیان میں وفاقی وزیر رانا تنویر حسین نے کہا کہ سابق وزیراعظم عمران خان اور ان کی اہلیہ بشریٰ بی بی کو سزا قانون کے مطابق ملی ہے
انہوں نے کہا کہ مذاکرات جمہوریت کا حسن ہیں ہم چاہتے ہیں تحریک انصاف ایوان میں بیٹھیلیکن اس میں کامیابی نظر نہیں آرہی ، عمران خان کے خمیر میں مثبت سیاست نہیں۔
انہوں نے کہا کہ پی ٹی آئی این آر او کے لیے منتیں کررہی ہے، تحریک انصاف سے نہ ڈیل ہو گی نہ ڈھیل ہوگی، کرم ایجنسی کا مسئلہ تشویشناک ہے اس کا حل نکلنا چاہیے، کرم میں امن و امن قائم رکھنا خیبرپختونخوا حکومت کی ذمہ داری ہے، امن و امن برقرار رکھنے کے لیے وفاق کے پی حکومت کی مدد کرنے کو تیار ہے۔
ان کا کہنا تھا کہ رمضان میں عوام کے لیے وزیر اعظم جلد بڑے پیکیج کا اعلان کریں گے، یوٹیلیٹی سٹورز کو پرائیویٹ کرنے یا پبلک پرائیویٹ پارٹنرشپ پر چلانے کی طرف جارہے ہیں، یورپ کشتی حادثہ میں پاکستانیوں کی اموات پر دکھ ہے، انسانی سمگلنگ پر سخت قوانین بنارہے ہیں تاکہ آئندہ کوئی حادثہ نہ ہو۔
