دہشت گردوں کی داخلے کی کوشش

ژوب میں دہشت گردوں کی پاکستان داخلے کی کوشش ناکام ،5ہلاک

ویب ڈیسک: سکیورٹی فورسز نے ژوب میں دہشت گردوں کی پاکستان داخلے کی کوشش ناکام بناتے ہوئے 5دہشت گرد ہلاک کردیئے ۔
پاک فوج کے شعبہ تعلقات عامہ کے مطابق گزشتہ شب ضلع ژوب میں سمبازا کے علاقہ میں خارجیوں کی پاکستان میں داخل ہونے کی کوشش کی جسے سکیوٹی فورسز نے ناکام بنا دیا۔
سکیورٹی فورسز نے بروقت کارروائی کرتے ہوئے فائرنگ کے شدید تبادلے میں 5دہشت گردوں کو ہلاک کردیا ۔
آئی ایس پی آر کے مطابق پاکستان بارہا افغان عبوری حکومت کو سرحد پر موثر انتظام کرنے کا کہہ چکا ہے، امید ہے افغان عبوری حکومت اس حوالے سے اپنی ذمہ داری پوری کرے گی۔
آئی ایس پی آر کا کہنا ہے کہ امید ہے افغان عبوری حکومت پاکستان کے خلاف دہشت گردی کے لیے اپنی سرزمین استعمال کرنے کی اجازت نہیں دے گی۔
پاک فوج کے شعبہ تعلقات عامہ کے مطابق سکیورٹی فورسز دہشت گردی کے خاتمے اور سرحدوں کو محفوظ بنانے کے لیے پرعزم ہیں۔

مزید پڑھیں:  دیر بالا میں فائرنگ کرکے میاں بیوی کو قتل کردیا گیا