ویب ڈیسک: وزیراعلیٰ خیبر پختونخوا علی امین گنڈا پور اور مشیر صحت کی ہدایت پر پارا چنارکے لئے ایمرجنسی ادویات کی ایک اور کھیپ روانہ کردی گئی ۔
سیکرٹری صحت عدیل شاہ کے مطابق وزیراعلیٰ علی امین گنڈاپور اور مشیر صحت احتشام علی کی ہدایت پر ایمرجنسی ادویات کی بھاری کھیپ اپر کرم روانہ کردی گئی ہے ۔
انہوں نے بتایا کہ ادویات ایم ایس پارا چنار کو ایمرجنسی صورتحال سے نمٹنے کیلئے حوالے کی جارہی ہیں ،3055کلوگرام وزنی اودیات حکومت خیبرپختونخوا کے سرکاری ہیلی کاپٹر ایم آئی 17 کے دو پراوازوں کے زریعے پہنچائی جارہی ہیں۔
سیکرٹری صحت نے کہا کہ مسلسل زمینی رابطے منقطع ہونے اور شدید سرد موسم کی وجہ سے کرم میں ادویات کی کھپت میں اضافہ ہوا ہے جس کے پیش نطظر ایم ایس پارا چنارچنار نے ادویات کے کمی کی پیشگی اطلاع دی تھی۔
انہوں نے کہا کہ ادویات ناپیدگی سے قبل ہی محکمہ صحت نے ادویات فراہم کردی ہیںجبکہ اپر اور لوئر کرم کیلئے ایمرجنسی کے علاوہ معمول کی خریداری کی ادویات بھی ہیلی کاپٹر کے ذریعے پہنچائی جارہی ہیں ۔
