ٹرمپ آج دوسری بار امریکی صدارت

ڈونلڈ ٹرمپ آج دوسری بار امریکی صدارت کا منصب سنبھالیں گے

ویب ڈیسک: کملا ہیرس کو شکست دے کر ڈونلڈ ٹرمپ آج دوسری بار امریکی صدارت کا منصب سنبھالیں گے، حلف برداری تقریب آج منعقد ہوگی۔ اس حوالے سے تمام تر تیاریاں مکمل کر لی گئی ہیں۔
نومنتخب صدر ٹرمپ آج دوسری بار امریکی صدارت کا حلف اٹھائیں گے، اس حوالے سے فول پروف سکیورٹی انتظامات کر لیے گئے ہیں، حلف برداری تقریب کے دوران وائٹ ہاؤس سے 3 کلو میٹر تک کا علاقہ گاڑیوں کی آمدورفت کے لیے بند کر دیا جائے گا۔
دوسری طرف امریکی دارالحکومت واشنگٹن میں آج درجہ حرارت منفی 11 ڈگری سنٹی گریڈ تک گرنے کا امکان ظاہر کیا گیا ہے، اس لئے خون جما دینے والی اس شدید سردی کے باعث اوپن ایئر کے بجائے انڈور روٹنڈا ہال میں حلف برداری کی تقریب کا اہتمام کیا گیا ہے۔
ذرائع کا کہنا ہے کہ انڈور تقریب کی وجہ سے کیپٹل ہل کی عمارت میں صرف 600 لوگوں کو شرکت کی اجازت دینے پر غور کیا جا رہا ہے۔ اس کے برعکس عمارت کے اندر حلف برداری کی تقریب رکھنے پر ڈیموکریٹس کی جانب سے نومنتخب صدر ٹرمپ پر تنقید کی جا رہی ہے۔
نائب صدارتی امیدوار ٹم والز نے ٹرمپ کو تنقید کا نشانہ بناتے ہوئے کہا کہ سرد موسم بہانہ ہے، اصل معاملات کچھ اور ہیں، تاہم ممکن ہے کہ ایسا سیکورٹی وجوہات کی بنا بھی کیا جا رہا ہو۔

مزید پڑھیں:  مانسہرہ، لاری اڈا میں فائرنگ سے ایک نوجوان قتل، دوسرا شدید زخمی