شریف خاندان کے ارمان آنسوؤں میں

القادرٹرسٹ کیس،شریف خاندان کے ارمان آنسوؤں میں بہہ جائینگے، بیرسٹر سیف

ویب ڈیسک: مشیر اطلاعات و تعلقات عامہ بیرسٹر ڈاکٹر سیف نے کہا ہے کہ القادرٹرسٹ کیس، جلد ہی شریف خاندان کے ارمان آنسوؤں میں بہہ جائینگے، اس حوالے سے برطانوی عدالت کا فیصلہ جعلی حکومت کے منہ پر زناٹے دار طمانچہ ہے۔
انہوں نے کہا کہ معاہدے کے مطابق یہ رقم سپریم کورٹ آف پاکستان میں جمع کرائی جانی تھی، جس کے بعد واضح ہو گیا کہ القادر ٹرسٹ کیس کا حالیہ فیصلہ ذاتی عناد اور بدنیتی پر مبنی ہے۔
بیرسٹر ڈاکٹر سیف نے کہا کہ دیگر جعلی مقدمات کی طرح یہ مقدمہ بھی ہائی کورٹ میں بے بنیاد ثابت ہوگا، ہائی کورٹ جانے کے بعد مریم نواز اور شریف خاندان کے تمام ارمان آنسوؤں میں بہہ جائینگے، جعلی حکومت کے تمام جھوٹے مقدمات کی حقیقت ایک ایک کر کے سامنے آ رہی ہے۔
ان کا کہنا تھا کہ یہ مقدمہ بھی جلد ختم ہونے والا ہے، جعلی حکومت کوئی اور جھوٹا مقدمہ بنانے کی تیاری کرے، عمران خان تمام جھوٹے مقدمات کا ڈٹ کر مقابلہ کر رہے ہیں۔

مزید پڑھیں:  سونے کی اونچی اڑان جاری، فی تولہ 3لاکھ 4 ہزار روپے تک پہنچ گیا