ویب ڈیسک: رواں سال پاکستانی عازمین حج قربانی کی مد میں 9 ارب سے زائد کی رقم خرچ کرینگے، عازمین حج سے قربانی کے لیے 55 ہزار 500 روپے فی کس وصول کیے جا رہے ہیں۔
تفصیلات کے مطابق پاکستانی عازمین حج قربانی کی مد میں 9 ارب 94 کروڑ 61 لاکھ 50 ہزار روپے خرچ کریں گے، جبکہ عازمین حج سے قربانی کے لیے 55 ہزار 500 روپے فی کس وصول کیے جا رہے ہیں۔ سرکاری حج سکیم کے تحت 35 ہزار سے زائد عازمین نے قربانی کی رقم جمع کرادی۔
ذرائع کا کہنا ہے کہ عازمین حج نے قربانی کے لیے ایک ارب 94 کروڑ 25 لاکھ روپے جمع کرائے ہیں، پاکستان سے رواں برس ایک لاکھ 79 ہزار 210 عازمین سرکاری اور نجی سکیم کے تحت فریضہ حج ادا کریں گے، جبکہ89 ہزار 605 عازمین سرکاری سکیم اور اتنے ہی پرائیویٹ سکیم کے تحت حجاز مقدس کا سفر کرینگے۔
