ویب ڈیسک: اسرائیل اور فلسطین کے مابین معاہدے کے تحت قیدیوں کی رہائی کا عمل شروع ہو گیا، حماس کی جانب سے اسرائیلی خواتین کو تحائف کیساتھ رہا کیا گیا۔ حماس کی طرف سے رہا ہونیوالی اسرائیلی خواتین کو تحفے میں گریجویشن کی سند، عربی زبان کے سرٹیفکیٹ، فلسطین کا نقشہ اور قید کے دوران کی ان کی تصاویر دیں۔
تفصیلات کے مطابق غزہ میں 15 ماہ سے جاری اسرائیلی جارحیت کے خاتمے اور جنگ بندی کے آغاز ہوگیا، حماس نےمعاہدے کے تحت 3 اسرائیلی قیدیوں کو رہا کیا جبکہ اسرائیلی جیل سے 90 فلسطینی قیدیوں کو بھی رہا کر دیا گیا۔ حماس سے رہائی پانے والی یرغمالی خواتین اسرائیل پہنچ گئیں۔ اسرائیلی خواتین کو تحائف کیساتھ رہا کیا گیا، اس موقع پر حماس کی جانب سے تینوں اسرائیلی خواتین کو یادگاری تحفے میں ایک بیگ دیا گیا۔ اس سلسلے میں ویڈیو بھِی وائرل کر دی گئی ہے۔
حماس کی جانب سے جاری ویڈیو میں دکھایا گیا ہے کہ اسرائیلی خواتین جیسے ہی رہائی پانے کے بعد گاڑی میں بیٹھیں تو حماس کے اہلکاروں کی جانب سے انہیں بظاہر بھورے رنگ کا ایک کاغذ کا بیگ دیا گیا، اور اسرائیلی خواتین نے مسکراتے ہوئے یہ تحفہ خوشی خوشی وصول کیا۔
رپورٹس کے مطابق اس بیگ میں حماس نے اسرائیلی خواتین کو تحفے میں گریجویشن کی سند، عربی زبان کے سرٹیفکیٹ، فلسطین کا نقشہ اور قید کے دوران کی ان کی تصاویر دیں۔
