ویب ڈیسک: امدادی سامان کے ٹرک مصر سے غزہ میں داخل ہو گئے، اس حوالے سے طے پایا ہے کہ روزانہ کے حساب سے 600 ٹرک امدای سامان لے کر غزہ میں داخل ہونگے۔
تفصیلات کے مطابق غزہ میں جنگ بندی کے آغاز کے بعد امدادی سامان کے ٹرک مصر سے غزہ میں داخل ہونا شروع ہوگئے۔ غیر ملکی ذرائع کی جانب سے فراہم کردہ ویڈیو میں امدادی سامان سے لدے ٹرکوں کو غزہ میں داخل ہوتے ہوئے دیکھا جا سکتا ہے۔
جنگ بندی کے آغاز کے بعدآج تقریباً 200 امدادی ٹرک خوراک، ایندھن اور دیگر مدادی سامان لے کر غزہ میں داخل ہونا شروع ہوئے۔ غزہ جنگ بندی معاہدے کے تحت روزانہ تقریباً 600 ٹرک امدادی سامان لے کر رفح کراسنگ کے ذریعے غزہ میں داخل ہوں گے۔
یاد رہے کہ رفح کراسنگ کی مرمت کا کام مکمل ہونے تک امدادی ٹرک کرم ابو سالم سرحدی گزرگاہ کو استعمال کریں گے۔ غزہ میں گزشتہ 15 ماہ سے جاری بد ترین اسرائیلی جارحیت کے بعد آج سے جنگ بندی کا آغاز ہوگیا ہے۔
