ریونیو شارٹ فال پورا کرنے کیلئے

ریونیو شارٹ فال پورا کرنے کیلئے ایف بی آر متحرک، اقدامات تیز

ویب ڈیسک: ریونیو شارٹ فال پورا کرنے کیلئے ایف بی آر متحرک، اقدامات تیز کر دیئے گئے، رواں‌ماہ ایف بی آر کو تقریباً 960 ارب روپے کا ٹیکس ہدف حاصل کرنا ہے، جسے پورا کرنے کیلئے کوششیں تیز کر دی گئی ہیں۔
تفصیلات کے مطابق فیڈرل بورڈ آف ریونیو نے ریونیو شارٹ فال پورا کرنے کیلئے عالمی مالیاتی فنڈ سے مستقبل کا پلان شیئر کر دیا، شیئر پلان کے بارے میں‌بتایا گیا ہے کہ آئی ایم ایف وفد کی آمد سے قبل ان تمام اقدامات پر پیشرفت کی جائے گی، جن میں‌پورٹ پر کنٹینرز کلیئرنس، سمگلڈ سامان کی آکشن، انفورسمنٹ صلاحیت میں بہتری، انڈر ٹیکس سیکٹر سے ٹیکس وصولی اور عدالتوں میں کیسز کو جلد کلیئر کرنا شامل ہے۔
ذرائع کے مطابق رواں‌مال جنوری کے دوران ایف بی آر کو تقریباً 960 ارب روپے کا ٹیکس ہدف حاصل کرنا ہے، اس دوران 385 ارب ریونیو شارٹ فال ملا کر جنوری کا ٹیکس ہدف 1 ہزار 340 ارب روپے تک پہنچ جاتا ہے۔اس سلسلے میں‌ ایف بی آر ذرائع نے مزید بتایا ہے کہ رواں ماہ کا ٹیکس ہدف حاصل کرنے کے لئے تمام تر اقدامات کئے جائیں گے۔

مزید پڑھیں:  چمپئنز ٹرافی کا آفیشل ترانہ "جیتو بازی کھیل کے" چھا گیا