ویب ڈیسک: ڈیل کے حوالے سے علیمہ خان نے عمران خان کا پیغام سنا دیا، بانی پی ٹی آئی عمران خان سے اڈیالہ جیل میں ملاقات کے بعد ان کی ہمشیرہ علیمہ خان نے کہا ہے کہ سابق وزیراعظم نے واضح کیا کہ کوئی ڈیل نہیں کروں گا، اور تمام کیسز کا خود سامنا کروں گا۔
انہوں نے اڈیالہ جیل کے باہر میڈیا سے گفتگو میں مزید کہا کہ بانی پی ٹی آئی نے تحریک انصاف کی مذاکراتی کمیٹی کو 2 مطالبات پر بات کرنے کا کہا ہے، جس میں سردست سپریم کورٹ ججز کا کمیشن بنانے اور ثانی الذکر 9 مئی اور 26 نومبر واقعات کی غیر جانبدارانہ تحقیقات پر زور دیا گیا ہے۔
ان کا مزید کہنا تھا کہ بانی پی ٹی آئی عمران خان نے کہا ہے کہ بے گناہ لوگوں کو فوری طور پر رہا کیا جائے، اس کے علاوہ 190 ملین پاونڈ کیس کے حوالے سے وہ خود چاہتے تھے کہ اب اس کا فیصلہ ہائیکورٹ لیکر جائیں۔
ڈیل کے حوالے سے علیمہ خان نے عمران خان کا پیغام سنا تے ہوئے کہا ہے کہ بانی پی ٹی آئی عمران خان نے دو ٹوک الفاظ میںکہا ہے کہ کوئی ڈیل نہیں کروں گا، بلکہ تمام کیسز کا خود سامنا کروں گا۔
