ویب ڈیسک: نومنتخب امریکی صدر ڈونلڈ ٹرمپ کے حلف لیتے ہی جہاں دیگر ممالک سے تہنیتی پیغامات کا سلسلہ جاری ہے، وہیں چین سے بھی مثبت اشارے ملنے لگے ہیں، اس حوالے سے چینی ترجمان کا کہنا ہے کہ چین نئی امریکی قیادت سے مل کر چلنے کو تیار ہے۔
چین کے ترجمان وزارت خارجہ نے کہا ہے کہ ٹرمپ کے صدر کا عہدہ سنبھالنے پر امریکا کے ساتھ مثبت دور کے آغاز کی امید ہے، دونوں ممالک کے مفاد کے لئے چین نئی امریکی قیادت سے مل کر چلنے کو تیار ہے، چینی صدر نے جذبہ خیر سگالی کے تحت نائب صدر کو تقریب حلف برداری میں شرکت کے لئے بھیجا۔
چینی وزارت خارجہ کے ترجمان کا اس حوالے سے مزید کہناہے کہ پچھلے دو صدور کی تقریب میں صرف چینی سفیر نے شرکت کی تھی، توقع ہے بیجنگ اور واشنگٹن کے درمیان تعلقات پہلے کی نسبت بہتر ہونگے۔
