لاس اینجلس میں آگ کی شدت

لاس اینجلس میں آگ کی شدت پھر بڑھنے لگی، حکام اور عوام پٔریشان

ویب ڈیسک: لاس اینجلس میں آگ کی شدت پھر بڑھنے لگی، جس کی وجہ سے ہلاکتوں میں اضافے کا خدشہ ظاہر کیا جانے لگا ہے۔ امریکی ریاست کیلیفورنیا کے شہر لاس اینجلس میں 7 جنوری سے لگنے والی آگ پر تاحال مکمل طور پر قابو نہیں پایا جاسکا۔
امریکی میڈیا کے مطابق لاس اینجلس میں مختلف مقامات پر لگنے والی آگ کے نتیجے میں اب تک 27 افراد ہلاک ہوچکے ہیں جبکہ یہ آگ تقریباً 40 ہزار ایکڑ سے زائد رقبے کو جلا کر راکھ کرچکی ہے۔ ذرائع کے مطابق گزشتہ دنوں حکام آگ کو بڑی حد تک محدود کرنے میں کامیاب ہوگئے تھے، تاہم اب جنوبی کیلیفورنیا میں تیز ہواؤں کے ایک اور طاقتور سلسلے کی پیش گوئی کی گئی ہے جس سے آگ کی شدت میں مزید اضافے کا خدشہ ہے۔
موسمیاتی ادارے کے مطابق منگل سے جمعرات تک تیز ہواؤں اور انتہائی کم نمی کے باعث آگ بھڑکنے کا خدشہ برقرار رہے گا، ان دنوں میں کئی علاقوں میں نمی کی سطح 2 فیصد سے 5 فیصد تک رہنے کا امکان ہے۔
موسمیاتی ادارے کے مطابق جنوبی کیلیفورنیا کے تقریباً تمام علاقے شدید خشک سالی کا شکار ہیں اور اس ہفتے بارش کا کوئی امکان نہیں ہے۔ اس خوفناک آتشزدگی کے باعث لاس اینجلس کے متعدد علاقوں میں پہلے ہی لوگوں کو انخلا کے احکامات جاری کیے گئے تھے وہاں اب مکینوں کو واپس جانے کی اجازت دے دی گئی ہے لیکن اس خدچے نے ایک بار پھر فیصلہ تبدیل کرنے پر حکام کو مجبور کر دیا۔ یاد رہے لاس اینجلس میں آگ کی شدت پھر بڑھنے لگی، جس کی وجہ سے ہلاکتوں میں اضافے کا خدشہ ظاہر کیا جانے لگا ہے۔

مزید پڑھیں:  ہر ی پور میں پولیس مقابلہ ، ایک ڈکیت جاں بحق ،دوسرا فرار