ویب ڈیسک: صوبہ پنجاب میں پتنگ بازی پر 7سال تک قید کی سزا ہوگی، اس حوالے سے پتنگ بازی پر مکمل پابندی کا بل صوبائِ اسمبلی سے منظور کر لیا گیا ہے، اس فیصلے کے تحت خلاف ورزی پر سخت سزائیں دی جائِیں گی۔
پنجاب میں پتنگ بازی کی ممانعت کا ترمیمی ایکٹ 2024 منظور کر لیا گیا ہے، جس کے مطابق پنجاب میں پتنگ بازی پر 7سال تک قید کی سزا ہوگی، جبکہ یہ ایک ناقابل ضمانت جرم قرار دیا گیا ہے، جبکہ اس حکم نامے کی خلاف ورزی پر سزاوں کا بھی فیصلہ کیا گیا ہے۔
ترمیمی ایکٹ 2024 کے مطابق پتنگ بازی، تیاری، فروخت و نقل و حمل پر 5 لاکھ سے 50 لاکھ تک جرمانہ ہوگا۔ پابندی کا اطلاق پتنگوں، دھاتی تاروں، نائلون کی ڈوری، تندی اور پتنگ بازی کے مقصد کے لیے تیز دھار مانجھے کے ساتھ تمام دھاگوں پر ہوگا۔
صوبائی اسمبلی کے فیصلے کے مطابق پتنگ بازی سے متعلقہ مواد کی تیاری اور نقل و حمل پر مکمل پابندی ہوگی۔ پتنگ اڑانے والے کو 3 سے 5 سال قید یا 20 لاکھ جرمانہ یا دونوں ہوں گے۔ پتنگ ساز اور ٹرانسپورٹر کو 5 سے 7 سال قید یا 50 لاکھ جرمانہ یا دونوں ہوں گے۔
پتنگ بازی میں ملوث بچے کو پہلی بار 50 ہزار جرمانہ اور دوسری بار لاکھ روپے جرمانہ ہوگا۔ اس پنگ بازی کے دوران تیز دھار ڈور کے استعمال سے کئی قیمتی جانوں کا ضیاع ہوا، انسانی جانوں کے تحفظ کے لیے پتنگ بازی ہر مکمل پابندی کا قانون منظور کروایا گیا۔
