ویب ڈیسک: خیبرپختونخوا کے بیشتر اضلاع میں بارش اور برف باری کا امکان، موسم مزید سرد ہوتا جا رہا ہے، درجہ حرارت بھی گرنے لگا ہے۔
خیبر پختونخوا کے بیشتر اضلاع میں بادل چھائے ہوئے ہیں اور کچھ علاقوں میں بارش ہوتی دیکھی گئی ہے جب کہ پہاڑوں پر برف باری کا امکان بھی ظاہر کیا جانے لگا ہے۔
محکمہ موسمیات کے مطابق صوبے کے بیشتر اضلاع میں موسم جزوی ابرآلود رہنے کا امکان ہے، جبکہ دیر، چترال، شانگلہ ،سوات، تور غر ، مانسہرہ، ایبٹ آباد کے اضلاع میں بارش اور پہاڑوں پر برفباری متوقع ہے۔
یاد رہے گزشتہ روز پشاور میں ہلکی بارش ریکارڈ ہوئی، اس کے علاوہ سب سے زیادہ چترال میں 8 ملی میٹر بارش اور پہاڑوں پر برفباری، جبکہ کالام میں 6ملی میٹر،مالم جبہ 4 ملی میٹر، دیر ،بنوں 2 ملی میٹر بارش ریکارڈ کی گئی۔ اُدھر سیاحتی مقام کالام میں درجہ حرارت منفی 2، مالم جبہ منفی 5 ،پاراچنار منفی 4 ڈگری سینٹی گریڈ ریکارڈ کیا گیا۔
