بلوچستان آپریشن کے دوران ہلاک دہشتگرد

بلوچستان آپریشن کے دوران ہلاک دہشتگرد افغان شہری نکلا

ویب ڈیسک: بلوچستان آپریشن کے دوران ہلاک دہشتگرد افغان شہری نکلا، اس طرح کے واقعات پاکستان میں دہشت گردی کی سرگرمیوں میں افغان شہریوں کے ملوث ہونے کا ناقابل تردید ثبوت ہیں۔
پاک فوج کے شعبہ تعلقات عامہ آئی ایس پی آر کے مطابق بلوچستان کے ضلع ژوب کے علاقے سمبازہ میں کئے گئے آپریشن نے دوران ہلاک دہشتگرد افغان شہری نکلا۔ آئی ایس پی آر کے مطابق 11 جنوری کو سمبازہ میں آُپریشن کیا گیا، جس میں پاکستان کے اندر دہشت گردی میں ملوث ایک افغان شہری بھی مارا گیا۔
آئی ایس پی آر کے مطابق مارے گئے اس دہشتگرد کی شناخت محمد خان احمد خیل ولد حاجی قاسم داوران خان کے نام سے ہوئی ہے، جو کہ افغانستان کے صوبے پکتیکا کے ضلع وازکوز کے گاؤں بلورائی سے تعلق رکھتا ہے۔ ہلاک ہونے والے اس افغان شہری کی لاش کو ضروری کارروائی کے بعد 20 جنوری کو افغانستان کے حوالے کر دی گئی ہے۔
آئی ایس پی آر کے مطابق اس طرح کے واقعات پاکستان میں دہشت گردی کی سرگرمیوں میں افغان شہریوں کے ملوث ہونے کا ناقابل تردید ثبوت ہیں۔ توقع ہے کہ عبوری افغان حکومت اپنی ذمہ داریاں پوری کرے گی اور دہشت گردوں کی جانب سے پاکستان کے خلاف دہشت گردی کی کارروائیوں کے لیے افغان سرزمین کے استعمال کو روکے گی۔

مزید پڑھیں:  صدر کی منظوری، سپریم کورٹ کے6ججز کی تعیناتی کا اعلامیہ جاری