ویب ڈیسک: خیبر پختونخوا کے مشیر اطلاعات و تعلقات عامہ بیرسٹر ڈاکٹر سیف نے کہا ہے کہ نواز شریف نے آرمی چیف کیخلاف ن لیگی وزراء کی فوج صف آراء کر دی، حکومت کو اس وقت ملک میں مہنگائی اور دیگر مسائل پر توجہ دینی چاہئے لیکن حکومت ایسا کرنے کی بجائے آرمی چیف سے ملاقاتوں پر توججہ مرکوز کئے ہوئے ہے۔
انہوں نے کہا کہ نواز شریف نے آرمی چیف کیخلاف ن لیگی وزراء کی فوج صف آراء کر رکھی ہے، شہباز شریف بھی فرینڈلی فائر کی زد میں آ چکے ہیں، رائیونڈ میں بیٹھ کر نواز شریف فوج کی مانیٹرنگ کا سلسلہ بند کریں تو ان کیلئے اور ملک کیلئے اچھا ہے۔
ان کا کہنا تھا کہ فوج اور خیبرپختونخوا اس وقت دہشت گردی کے خلاف جانوں کا قیمتی نذرانہ پیش کر رہے ہیں، جبکہ اس صورتحال میں حکومتی وزراء فوج کی قیادت کو متنازع بنانے کی ناکام کوشش کر رہے ہیں۔
شمیر اطلاعات کا کہنا ہے کہ اگر شہباز شریف کو معلوم ہے کہ پی ٹی آئی اور آرمی چیف کی ملاقات میں کیا بات ہوئی تو پھر وزراء بیان اور وضاحتیں کیوں دے رہے ہیں؟ ان کا کہنا تھا کہ حکومت کی توجہ مہنگائی اور دہشت گردی کے خاتمے پر نہیں آرمی چیف کی ملاقاتوں پر جمی ہوئی ہے۔
