ویب ڈیسک: امریکا اور چین سمیت کئی ممالک سے پاکستانی بے دخل کر دیئے گئے، وطن واپسی پر ان بے دخل کئَے جانے والے 200 مسافروں میں سے 12 کو کراچی میں گرفتار کرلیا گیا۔
تفصیلات کے مطابق امریکا اور چین سمیت دیگر ممالک سے 200 سے زائد پاکستانیوں کو بے دخل کر دیا گیا ہے۔ اس حوالے سے امیگریشن ذرائع کا کہنا ہے کہ امریکا اور چینکے علاوہ ترکی، زمبابوے اور سینیگال سمیت دیگر مختلف کے نام بھی اس فہرست میں شامل ہیں جہاں سے مزید 200 سے زائد پاکستانیوں کو بے دخل کیا گیا ہے۔
امیگریشن ذرائع کے مطابق وطن واپسی پر ان 200 بے دخل مسافروں میں سے 12 کو کراچی میں گرفتار کر لیا گیا۔ ذرائع کے مطابق 19 سے 21 جنوری تک 48 گھنٹوں میں سسٹم میں آن لائن ویزا ظاہر نہ ہونے پر ایک، ویزا منسوخ ہونے پر ایک، دوبارہ داخلے کی اجازت نہ ملنے پر ایک، بلیک لسٹ ہونے پر 3 اور بھیک مانگنے پر جیل سے رہا کرکے 17پاکستانیوں کو سعودیہ سے بے دخل کیا گیا۔
پاسپورٹ گم ہونے، زائد المیعاد قیام، کفیل کے بغیر ملازمت کرنے، کفیل کی شکایت پر اور مختلف وجوہات کی بنا پر متعدد پاکستانیوں کو سعودیہ سے بے دخل کیا گیا۔ امریکا میں ایمرجنسی سفر پر روکے گئے 2 مسافروں کو بھی ڈی پورٹ کیا گیا ہے۔
امارات میں جیل سے نکال کر ایمرجنسی دستاویزات پر 103 پاکستانیوں کو بے دخل کیا گیا ہے۔ ادھر انسانی سمگلروں کا نشانہ بن کر پاکستان سے سینیگال پہنچنے والے 2 مسافروں کو بھی وطن واپس بھیج دیا گیا ہے۔ یاد رہے امریکا اور چین سمیت کئی ممالک سے پاکستانی بے دخل کر دیئے گئے، وطن واپسی پر ان بے دخل کئَے جانے والے 200 مسافروں میں سے 12 کو کراچی میں گرفتار کرلیا گیا۔
