مشرق وسطیٰ کے 2بینکوں سے معاملات

1ارب ڈالرقرض کیلئَے مشرق وسطیٰ کے 2بینکوں سے معاملات طے

ویب ڈیسک: وفاقی وزیر خزانہ محمد اورنگزیب نے ایک انٹرویو کے دوران کہا ہے کہ کہا ہے کہ ایک سال کیلئے 1ارب ڈالرقرض کیلئے مشرق وسطیٰ کے 2بینکوں سے معاملات طے پا گئے۔
محمد اورنگزیب کا ایک انٹرویو میں کہنا تھا کہ تجارتی مقاصد کے لیے قرض کے حصول کےلیے مشرق وسطیٰ کے 2بینکوں سے معاملات پر پیش رفت ہوئی ہے، یہ قرضہ جات مختصر یا ایک سال تک کی مدت کے لیے ہیں جو کہ 6 سے 7 فیصد شرح سود پر حاصل کئے جائیں گے۔
وفاقی وزیر خزانہ کا کہنا تھا کہ امید ہے آنے والے مہینوں میں پاکستان کی کریڈٹ ریٹنگ اپ گریڈ ہو گی، فروری کے اختتام پر آئی ایم ایف کی ای ایف ایف سہولت کا باضابطہ ریویو ہو گا، جس کیلئے ہماری اکانومی بہتر حالت میں ہے۔
محمد اورنگزیب نے بتایا کہ آئی ایم ایف ریویو کے بعد ریزیلینس اینڈ سسٹین ایبلٹی ٹرسٹ کے تحت 1 ارب ڈالر کے حصول کی بات ہو گی، پی آئی اے کی نجکاری کے حوالے سے اگلے 5 سے 6 ماہ میں اچھے نتائج سامنے آئیں گے۔

مزید پڑھیں:  خیبرپختونخوا: محکمہ صحت نے ایم ٹی آئیز سے سالانہ کارکردگی رپورٹ طلب کرلی