ویب ڈیسک: یوکرین کیخلاف جنگ بند کرنے کیلئَے مذاکرات کی میز پر آنے کیلئے امریکی صدر نے پیوٹن کو دعوت دی ہے، تاہم اس کے ساتھ ہی ڈونلڈ ٹرمپ نے روسی صدر پیوٹن کو پابندیوں کی دھمکی دیدی ، ٹرمپ کا کہنا ہے کہ اگر مذاکرات کی میز پر روسی صدر نہ آئے تو انہیں پابندیوں کا سامنا کرنا پڑ سکتا ہے۔
واشنگٹن میں امریکی صدر ڈونلڈ ٹرمپ نے صحافیوں سے گفتگو کرتے ہوئے کہا کہ روسی صدر پیوٹن کو یوکرین کے مسئلے پر مذاکرات کی میز پر آنا چاہیے، لیکن اگر پیوٹن مذاکرات کی میز پر نہ آئے تو ممکن ہے روس پر پابندیاں عائد کروں۔ یورپی یونین کو یوکرین پر زیادہ اخراجات کرنے چاہئیں، چین کے صدر سے بھی کہا ہے کہ یوکرین کا مسئلہ حل کرنے میں مدد کریں۔
ٹرمپ نے 500 ارب ڈالر کے سٹارگیٹ اےآئی پروجیکٹ کا بھی اعلان کیا اور کہا کہ اوپن اےآئی، سافٹ بینک، اوریکل اےآئی میں 500 ارب ڈالر کی سرمایہ کاری کریں گی،اس سے ایک لاکھ ملازمتیں پیدا ہوں گی۔
