ویب ڈیسک: پیکا ایکٹ میں مزید ترمیمی بل قومی اسمبلی میں پیش کر دیا گیا، اس میں فیک نیوز پر 5سال سزا تجویز کی گئی ہے.
سپیکر قومی اسمبلی سردار ایاز صادق کی زیر صدارت قومی اسمبلی کا اجلاس منعقد ہوا، اجلاس میں وفاقی وزیر قانون اعظم نذیر تارڑ نے پیکا ایکٹ ترمیمی بل ایوان میں پیش کیا۔ اعظم نذیر تارڑ نے اس موقع پر کہا کہ مقررہ مدت میں ٹرائل مکمل نہ ہونے پر نتائج ہوں گے.
وفاقی وزیر قانون نے کہا کہ ٹرائل کورٹ کو مقدمات کا فیصلہ 6 ماہ سے ایک سال میں کرنا ہو گا، ماڈرن ڈیوائسز کو قانون شہادت میں شامل کرنے کی ترامیم بھی شامل ہیں، عوام کو نظام انصاف سے متعلق دشواریاں درپیش ہیں، جبکہ عوام اس ایوان سے ان کے حل کی توقع رکھتی ہے، نظام میں اتنی خرابیاں ہیں کہ کسی پر کچھ ثابت ہی نہیں ہو پاتا۔
سینیٹر اعظم نذیر تارڑ کا کہنا تھا کہ دیگر ممالک میں سزا دینے کی شرح 80 فیصد ہے جبکہ یہاںایسا نہیں، اس لئے یہاں اس نظام کی بہتری کے لیے ترامیم لا رہے ہیں۔ ان کا کہنا تھا کہ اپویشن کو عوامی مسائل سے کوئی دلچسپی نہیں، وہ صرف یہاں آ کر لابی میں کھانے کھاتے ہیں، ایک شخص کی رہائی کے نعرے لگاتے ہیں۔
ذرائع کے مطابق وفاقی پیکا ایکٹ ترمیمی بل 2025 کے ذریعے حکومت سوشل میڈیا اور فیک نیوز سے متعلق اہم قانون سازی کر رہی ہے، بل میں فیک نیوز سے متعلق بھی ترامیم کی گئی ہیں، جس میں سزاؤں اور جرمانے کا تعین بھی شامل ہو گا، فیک نیوز پر 5سال سزا تجویز کی گئی ہے.
یاد رہے کہ پیکا ایکٹ میں مزید ترمیمی بل قومی اسمبلی میں پیش کر دیا گیا، اس میں فیک نیوز پر 5سال سزا تجویز کی گئی ہے.
