ویب ڈیسک: وزیراعلیٰ خیبر پختونخوا علی امین گنڈا پور جلسوں کے لئے آئی ایس ایف کو فنڈز نہ ملنے پر برہم ہو گئے ۔
ذرائع کے مطابق وزیر اعلیٰ خیبر پختونخوا علی امین گنڈا پور کی زیر صدرات انصاف سٹوڈنٹس فیڈریشن کے اجلاس میں آئی ایس ایف عہداروں نے فنڈز نہ ملنے اور خردبرد سے متعلق شکایتوں کے انبار لگا دیئے
آئی ایس ایف باجوڑ اور مہمند کے عہدیداروں نے اجلاس کے دووران وزیر اعلیٰ سے شکایت کی کہ ہمیں پارٹی فنڈز نہیں ملے، ہمیں 2 لاکھ میں سے ایک لاکھ روپے ملے۔
پارٹی فنڈز متعلقہ افراد کو نا ملنے پر وزیراعلی علی امین گنڈاپور نے برہمی کا اظہار کرتے ہوئے آئی ایس ایف سے سوال کیا کہ پیسے کہاں گئے؟جس پر آئی ایس ایف کے صدر نے علی امین گنڈاپور کو جواب میں کہا کہ شکایتیں لگانے والے آئی ایس ایف کے عہدیدار نہیں، جس پر وزیر اعلیٰ خیبر پختونخوا نے کہا کہ یہ فیصلہ میں کروں گا کہ کون عہدیدار ہے اور کون نہیں جس پر آئی ایس ایف کے صدر نے کہا ابھی ان کو پیسے دے دیتا ہوں۔
اس موقع پر وزیر اعلیٰ خیبر پختونخوا نے کہا کہ اب تو سب کچھ ہوگیا اب پیسے دینے کا کیا فائدہ؟
صدرانصاف اسٹوڈنٹس فیڈریشن خیبرپختونخوا اشفاق مروت کے مطابق فنڈز کی تقسیم پر نچلی سطح پرعہدیداروں میں گلے شکوہ ہوئے تاہم میں نے فوری طور پر معاملے کو حل کر وایا، ٹرانسپورٹ کی مد میں پارٹی سے ملنے والی رقم شفاف طریقے سے تقسیم ہوئی۔
