190ملین پاؤنڈ کیس میں سزا س

190ملین پاؤنڈ کیس میں سزا سے عمران خان کی صحت پر اثر نہیں پڑا، شیخ رشید

ویب ڈیسک: سربراہ عوامی مسلم لیگ اور سابق وفاقی وزیر داخلہ شیخ رشید احمد نے کہا ہے کہ 190ملین پاؤنڈ کیس میں سزا سے بانی پی ٹی آئی عمران خان کی صحت پر کوئی اثر نہیں پڑا ۔
سپریم کورٹ کے باہر صحافیوں سے گفتگو کرتے ہوئے شیخ رشید کا کہنا تھا کہ جھوٹ بولنے کا عادی نہیں، عمران خان نے کہا ہے فیصلے آسمانوں پر ہوتے ہیں، جب تک جوڈیشل کمیشن نہیں مانیں گے یہ مذاکرات ٹھس ہیں۔
سابق وفاقی وزیرداخلہ نے مزید کہا کہ مذاکرات کی کوئی حیثیت نہیں جب تک جوڈیشل کمیشن نہیں بنے گا، میرا کسی سے کوئی رابطہ نہیں۔
ان کا کہنا تھا کہ آج اوورسیز پاکستانیوں کے ووٹ کا حق دینے کے کیس کیلئے سردار رازق رٹ پٹیشن میں پیش ہوئے، شاید ہمیں نظر لگ جاتی ہے، آج ہمارا نمبر پھر لیٹ ہوگیا، ججز صاحبان نے کہا ہے اس کیس کو 2 ہفتے بعد سنیں گے، اوورسیز پاکستانیوں کو ووٹ کا حق دینا اہم کیس ہے۔

مزید پڑھیں:  مشیر صحت احتشام علی کا پختونخوا کے پہلے ائیرایمبولینس کا جائزہ، ٹیسٹ فلائیٹ لی