علیمہ خان کو مشورہ

پی ٹی آئی میں پھوٹ،علیمہ خان کو پارٹی ٹیک اوورکرنے کا مشورہ

ویب ڈیسک: پاکستان تحریک انصاف میں پھوٹ پڑنے لگی اور اس سلسلے میں بانی پی ٹی آئی عمران خان کی ہمشیرہ علیمہ خان کو پارٹی ٹیک اوور کرنے کے مشورے بھی دیئے جانے لگے ۔
ذرائع کے مطابق پاکستان تحریک انصاف کے رہنماؤں نے موجودہ قیادت پر تحفظات کا اظہار کردیا جبکہ پنجاب کے متعدد ارکان اسمبلی نے علیمہ خان کو پارٹی ٹیک اوور کرنے کا مشورہ بھی دے دیا ہے۔
پارٹی رہنماؤں کی اس سلسلے میں رائے ہے کہ علیمہ خان بانی پی ٹی آئی عمران خان کی بہن اور پارٹی میں کافی متحرک ہیں
کی رائے ہے کہ علیمہ خان بانی پی ٹی آئی کی بہن ہے اور پارٹی میں متحرک ہے۔
ذرائع نے بتایا کہ پنجاب کے ارکان اسمبلی نے علیمہ خان سے ملاقات میں بھی انہیں یہ مشورے دیے ہیں۔
میجر ریٹائرڈ اقبال خٹک کے مطابق موجودہ قیادت کی وجہ سے پارٹی میں توازن نہیں رہتا، ایک سے زیادہ ہدایت کی وجہ سے فیصلے غلط ہو رہے ہیں؟24نومبر کا احتجاج بھی غلط فیصلے کی وجہ سے ناکام ہوا۔
پی ٹی آئی رہنماؤں نے علیمہ خان سے ملاقات میں موقف اپنایا کہ پاکستان میں وراثتی سیاست ہی چلتی ہے، پارٹی کو ڈیموکریٹ بنانا مشکل ہے۔
واضح رہے کہ اس سے قبل بھی پی ٹی آئی کی قیادت میں اختلافات کی خبریں سامنے آتی رہی ہیں جب کہ پی ٹی آئی کی جانب سے اپنے رہنماں کو اظہار وجوہ کے نوٹی فکیشنز بھی جاری کیے جاتے رہے ہیں۔

مزید پڑھیں:  ترک صدر ایردوان وزیراعظم ہاوس پہنچ گئے، گارڈ آف آنر پیش