یوٹیلیٹی سٹورز کھلے

یوٹیلیٹی سٹورز کھلے ہیں، ترجمان نے بندش کی تردید کردی

ویب ڈیسک: یوٹیلیٹی سٹورز کارپوریشن کے ترجمان نے کہا ہے کہ کارپوریشن کے تمام سٹورز کھلے ہیں اور صارفین کو معیاری اشیا خوردونوش رعایتی نرخوں پر فراہم کی جا رہی ہیں۔
اپنے ایک بیان میں انہوں نے یوٹیلٹی سٹورز کی بندش سے متعلق خبروں کی تردید کرتے ہوئے واضح کیا کہ وفاقی حکومت نے ابھی یوٹیلیٹی سٹورز کارپوریشن کا فیصلہ کرنے کے لئے کمیٹی بنائی ہے۔
کمیٹی یوٹیلیٹی سٹورز کارپوریشن کے آپریشنز، ملازمین، رمضان ریلیف پیکیج اور اثاثہ جات کے متعلق تفصیلی رپورٹ مرتب کرے گی۔
رپورٹ کو منظوری کے لئے وزیراعظم پاکستان کے سامنے پیش کیا جائے گا، اس کے بعد اس کا فیصلہ ہوگا،یوٹیلیٹی سٹورز کارپوریشن کے تمام سٹورز کھلے ہیں اور صارفین کو معیاری اشیائے خوردونوش رعایتی نرخوں پر فراہم کی جا رہی ہیں۔
ترجما ن نے کہا کہ رمضان المبارک کے دوران عوام کو ریلیف فراہم کرنے کیلئے وزیراعظم ریلیف پیکیج کے تحت سبسڈائزڈ اشیا کی فراہمی بھی زیر غور ہے جو بہت جلد منظور ہو جائے گی۔

مزید پڑھیں:  شب برأت آج عقیدت و احترام کیساتھ منائی جائے گی