10ہزار نعشیں دبی ہونے کا انکشاف

غزہ میں عمارتوں کے ملبے تلے 10ہزار نعشیں دبی ہونے کا انکشاف

ویب ڈیسک: غزہ میں عمارتوں کے ملبے تلے 10ہزار نعشیں دبی ہونے کا انکشاف، اس حوالے سے بتایا جا رہا ہے کہ یہ وہ نعشیں ہیں جنہیں دوران جنگ نہیں نکالا جا سکا۔
غزہ کی سول ڈیفنس ایجنسی کا اس حوالے سے کہنا ہے کہ حماس اسرائیل جنگ کے بعد غزہ میں عمارتوں کے ملبے تلے 10ہزار سے زائد لاشیں موجود ہو سکتی ہیں، غزہ میں 15 مہینوں تک جاری رہنے والی اس جنگ میں 47 ہزار فلسطینی شہید ہوگئے ہیں، تاہم شدید بمباری کی وجہ سے عمارتوں کے ملبے تلے دبی ہزاروں لاشوں کو جنگ کے دوران نہیں نکالا جاسکا۔
اقوام متحدہ کے مطابق غزہ میں 60 فیصد عمارتیں تباہ ہوچکی ہیں اور ان کی بحالی 2040 سے پہلے ممکن نہیں، اس جنگ نے اب تک 20 لاکھ کے قریب فلسطینیوں کو بے گھر کردیا ہے۔ جنگ بندی کے بعد علاقے میں امدادی سرگرمیاں شروع ہوچکی ہیں۔
ذرائع کے مطابق گزشتہ 2 دنوں میں 120 لاشیں تباہ شدہ عمارتوں کے ملبے سے نکالی جاچکی ہیں، تاہم ان میں سے کئی لاشیں ناقابل شناخت ہیں۔ جنگ بندی کے بعد مہاجر کیمپوں سے رہائشی علاقوں کی طرف لوٹتے ہی فلسطینیوں نے امدادی تنظیموں کے ہمراہ اپنے عزیزوں کی لاشوں کی تلاش شروع کردی ہے۔
ان کی ان کوششوں کو کامیابی کا سورج تب تک دیکھنا نصیب نہیں ہو سکتا جب تک کہ جدید مشینری انہیں میسر نہ ہو، جدید مشینری کی کمی اور وسیع پیمانے پر ہونے والی تباہی کی وجہ سے اس عمل میں انہیں مشکلات کا سامنا کرنا پڑ رہا ہے۔یاد رہے غزہ میں عمارتوں کے ملبے تلے 10ہزار نعشیں دبی ہونے کا انکشاف، اس حوالے سے بتایا جا رہا ہے کہ یہ وہ نعشیں ہیں جنہیں دوران جنگ نہیں نکالا جا سکا۔

مزید پڑھیں:  صوابی جلسے میں حکومتی وسائل استعمال کئے جارہے ہیں ،خواجہ آصف