ویب ڈیسک: لائیو شو کے دوران نعیم پنجوتھا اور اختیار ولی گتھم گتھا، لاتوں گھونسوں کی بارش، ایک دوسرے پر سنگین الزامات عائد کیے۔
تفصیلات کے مطابق لائیو شو کے دوران ایک بار پھر پاکستان تحریک انصاف اور مسلم لیگ ن کے رہنما لڑ پڑے، جس کی ویڈیوز سوشل میڈیا پر بھی وائرل ہو گئی ہیں۔ نجی ٹی وی کے ایک شو میں مسلم لیگ ن کے اختیار ولی اور پاکستان تحریک انصاف کے نعیم حیدر پنجوتھا ایک ساتھ شریک ہوئے۔
شو کے دوران دونوں رہنماؤں نے ایک دوسرے پر سنگین الزامات عائد کیے اور اسی دوران نوبت لڑائی جھگڑے تک جا پہنچی۔ یہ صورتحال ویڈیو میں دیکھی جا سکتی ہے، اس دوران مسلم لیگ ن کے رہنما اختیار ولی نے پہلے پی ٹی آئی رہنما نعیم حیدر پنجوتھا کا گریبان پکڑا، جس کے بعد وہ بھی کھڑے ہو گئے اور دونوں کے درمیان ہاتھا پائی شروع ہو گئی۔
اس دوران دونوں رہنماوں نے ایک دوسرے پر لاتوں اور گھونسوں کی بارش کر دی، پروگرام کی خاتون میزبان کی جانب سے دونوں کو منع کیا جاتا رہا جبکہ پروگرام کی ٹیم کے دیگر ارکان نے بیچ بچا کروایا۔یاد رہے کہ لائیو شو کے دوران نعیم پنجوتھا اور اختیار ولی گتھم گتھا، لاتوں گھونسوں کی بارش، ایک دوسرے پر سنگین الزامات عائد کیے۔
