رینگ روڈ پر تاجروں کا احتجاجی

پشاور رینگ روڈ پر تاجروں کا احتجاجی مظاہرہ، ٹائر جلا کر روڈ بند کر دیا گیا

ویب ڈیسک: پشاور رینگ روڈ پر تاجروں کا احتجاجی مظاہرہ جاری ہے، اس دوران تاجروں نے ٹائر جلا کر روڈ بند کر دیا، جس سے ٹریفک روانی شدید متاثر ہوئی۔
تفصیلات کے مطابق تاجروں نے رینگ جمیل چوک کے قریب روڈ بند کردیا ہے، اس دوران انہوں نے کہا کہ رات کی تاریکی میں امن پلازے پر چھاپہ مار کر قیمتی سامان و نقدی لوٹی گئی ہے، اس دوران پلازے میں ہوائی فائرنگ کرکے کئی افراد کو زخمی بھی کردیا گیا ہے۔
پشاور رینگ روڈ پر تاجروں نے احتجاجی مظاہرہ کے دوران کہا کہ پولیس نے اس معاملے پر الٹا پلازے کے دکانداروں کے خلاف 7 اے ٹی اے کا مقدمہ درج کردیا ہے۔ تاجروں نے مطالبہ کیا کہ صوبائی حکومت تاجروں کو تحفظ فراہم کرے۔
تاجروں کاکہنا تھا کہ پولیس ہماری رپورٹ درج نہیں کررہی، ایسے اقدامات درست نہیں، اس سے صوبے سے تاجر تجارت چھوڑ کر چلے جائینگے۔ انہوں نے گلہ کیا کہ صوبائی حکومت نے اس واقعے کا ابھی تک کوئی نوٹس نہیں لیا۔

مزید پڑھیں:  8فروری کے انتخابات میں بدترین دھاندلی کی گئی ، مولانا فضل الرحمان