ویب ڈیسک: سابق چیف جسٹس کی کلنٹن سے واش روم ہال میں ملاقات کی تردید، جسٹس (ر) ارشاد حسن خان نے کہا کہ ڈاکٹر نسیم اشرف کے مبینہ انکشافات فسانہ ہیں، یہ خبر بے بنیا د ہے، انہوں نے کہا کہ جب کھانےکی میز پر بات ہو سکتی تھی تو واش روم میں جا کر ایسی بات کرنے کا کوئی جواز نہیں بنتا۔
سابق چیف جسٹس ارشاد حسن خان نے اس خبر کی سختی سے تردید کی ہے کہ انھوں نے سابق امریکی صدر بل کلنٹن سے واش روم ہال میں بات چیت کی، جس میں یقین دلایا کہ نواز شریف کو پھانسی نہیں دی جائیگی۔
جسٹس(ر) ارشاد حسن خان نے کہا کہ ڈاکٹر نسیم اشرف کے مبینہ انکشافات فسانہ ہیں، ان کی کوئِی حقیقت نہیں، یہ خبر بے بنیاد ہے، انہوں نے کہا کہ جب کھانےکی میز پر بات ہو سکتی تھی تو واش روم میں جاکر ایسی بات کرنے کا کوئی جواز نہیں بنتا۔
انہوں نے کہا کہ کھانے کی میز پر کلنٹن سے ذاتی نوعیت کی گفتگوضرور ہوئی جس میں نواز شریف کی سزا کا تذکرہ تک نہیں ہوا، کلنٹن واش روم گئے تو میں بھی اپنی ضرورت کے تحت وہاں گیا، راستے میں یا واش روم ہال میں کوئی بات نہیں ہوئی۔
