ویب ڈیسک: بانی پی ٹی آئی کی اہلیہ اور سابق خاتون اول بشریٰ بی بی کی عبوری ضمانت میں 7فروری تک توسیع کر دی گئی۔
تفصیلات کے مطابق اسلام آباد ڈسٹرکٹ اینڈ سیشن عدالت کے ایڈیشنل سیشن جج چوہدری عامر ضیاء نے بشری بی بی کی تھانہ رمنا میں درج عبوری درخواست ضمانت کی سماعت کی۔ دوران سماعت انہوں نے بشریٰ بی بی کی عبوری ضمانت میں 7فروری تک توسیع کر دی۔
دوران سماعت بشریٰ بی بی کے وکیل انصر کیانی اور پراسیکیوٹر چوہدری زاہد آصف پیش ہوئے، اور عدالت سے استدعا کی کہ بشریٰ بی بی 190 ملین پاؤنڈ کیس میں گرفتار ہیں، استثنیٰ کی درخواست منظور کی جائے۔
پراسیکیوٹر چوہدری زاہد آصف نے موقف اختیار کیا کہ بشریٰ بی بی شامل تفتیش نہیں ہوئیں، ضمانت خارج کی جائے۔ بشریٰ بی بی کی جانب سے جمع کرائے گئے مچلکوں کی بھی تصدیق کی جائے۔
انہوں نے مزید بتایا کہ بشریٰ بی بی ہر مقدمے کا دفاع کررہی ہیں، پولیس جیل میں جا کر شامل تفتیش کرے۔ عبوری ضمانت کی درخواست ہے جس میں ملزم کی حاضری لازمی ہوتی ہے۔
عدالت نے بشریٰ بی بی کی عبوری ضمانت میں 7 فروری تک توسیع کرتے ہوئے بشریٰ بی بی کو جیل میں شامل تفتیش کرنے کی درخواست پر فیصلہ محفوظ کرلیا۔
