ویب ڈیسک: 9 مئی توڑ پھوڑ کیس میں عدم پیشی پر عمرایوب کے وارنٹ جاری کر دیئے گئے۔
تفصیلات کے مطابق انسداد دہشتگردی عدالت سرگودھا نے 9 مئی توڑ پھوڑ کیس میں عدم پیشی پر اپوزیشن لیڈر قومی اسمبلی عمر ایوب کے وارنٹ گرفتاری جاری کر دیئے۔
اے ٹی سی جج محمد نعیم شیں نے 9 مئی کو میانوالی میں ہنگامہ آرائی اور توڑ پھوڑ کیس کی سماعت کی۔ اس دوران نامزد ملزمان پنجاب اسمبلی میں اپوزیشن لیڈر احمد خان بھچر ، صنم جاوید ، عالیہ حمزہ ،ایم این اے بلال اعجاز سمیت درجنوں کارکن عدالت پیش ہوئے ، جبکہ قومی اسمبلی میں اپوزیشن لیڈر عمر ایوب پیش نہ ہوئے، ان کے وکلاء نے ان کا میڈیکل سرٹیفکیٹ عدالت میں پیش کیا۔
عمر ایوب کی عدم پیشی پر عدالت نے برہمی کا اظہار کیا عدالت نے کہا کہ ان کی عدم پیشی کے باعث دیگر ملزمان پر بھی فرد جرم عائد نہ ہو سکی، بعدازاں عدالت نے عمرایوب کے وارنٹ جاری کرتے ہوئے سماعت 30 جنوری تک ملتوی کر دی۔
