میکسیکو بارڈر پر اضافی سیکورٹی انتظامات

ٹرمپ ایجنڈے پر کام شروع، میکسیکو بارڈر پر اضافی سیکورٹی انتظامات کا اعلان

ویب ڈیسک: امریکی صدر ڈونلڈ ٹرمپ نے کامیابی کے ساتھ ہی میکسیکو بارڈر کی حفاظت کا اعلان کیا تھا، اب حلف اٹھانےکے بعد ٹرمپ ایجنڈے پر کام شروع کر دیا گیا، اور میکسیکو بارڈر پر اضافی سیکورٹی انتظامات کرتے ہوئے اضافی ہیلی کاپٹر اور جاسوسی فورس تعینات کرنےکا اعلان کردیا گیا ہے۔
ذرائع پینٹاگون کا کہنا ہے کہ 1500 اضافی فوجیوں کو میکسیکو بارڈرپربھیجا جارہا ہے جبکہ متعلقہ عملے کے ساتھ ہیلی کاپٹرز اور انٹیلی جنس تجزیہ کار بھی روانہ کیے جا رہے ہیں۔
اس کے علاوہ صدر ٹرمپ کے عہدہ سنبھالنے کے بعد بارڈر پر گراؤنڈ فورسز کی تعداد میں 60 فیصد اضافہ کیا گیا ہے۔ اس حوالے سے نگران پینٹاگون سیکرٹری رابرٹ سیلس نے کہا ہے کہ کیلی فورنیا اور ٹیکساس سے 5 ہزار غیر قانونی تارکین کی بے داخلی کے لیے پینٹاگون طیارے فراہم کرے گا، اور پینٹاگون میکسیکو بارڈر کے ساتھ باڑ لگانے میں بھی حصہ لے گا۔
ادھر امریکی میڈیا کے مطابق صدرٹرمپ اضافی 10ہزار فوج میکسیکوبارڈر پر بھیجنے کی تیاری کر رہے ہیں۔ یاد رہےکہ ڈونلڈٹرمپ نے دوسری مرتبہ امریکی صدر کا حلف اٹھانے کے بعد سابق صدر جوبائیڈن کے کئی اقدامات کو منسوخ کردیا ہے۔ یاد رہے امریکی صدر ڈونلڈ ٹرمپ نے کامیابی کے ساتھ ہی میکسیکو بارڈر کی حفاظت کا اعلان کیا تھا، اب حلف اٹھانےکے بعد ٹرمپ ایجنڈے پر کام شروع کر دیا گیا، اور میکسیکو بارڈر پر اضافی سیکورٹی انتظامات کرتے ہوئے اضافی ہیلی کاپٹر اور جاسوسی فورس تعینات کرنےکا اعلان کردیا گیا ہے۔

مزید پڑھیں:  جعلی حکمرانوں کے احتساب کا وقت قریب آ چکا ہے، مشیر اطلاعات بیرسٹر سیف